A.FRANCISCO LORENZO MARIÑO

PEREGRINACIÓN XACOBEA POLA RUTA DO MAR DE AROUSA E RÍO ULLA * AGUIÑO-SANTIAGO

2010-04-23T05:50:00.000-07:00

A asociación volve a realizar unha actividade cultural, esta vez con motivo da celebración do Ano Santo 2010. Trátase dunha Peregrinación pola Ruta do mar de Arousa e río Ulla o sábado 5 de xuño con saída en catamarán ás 08:15 h até Cesures-Padrón, visita á Fonte do Carme, Pedrón, Igrexa de Iria Flavia... e obtención da Carta de Pedronía nesta vila. Camiñata a pé até Santiago con parada para xantar, Misa do Peregrino na Catedral de Santiago e regreso ao redor das 22 h.

O prezo é de 15 € por persona e hai 110 prazas, a entidade asume o 50% do prezo da viaxe xa que custa realmente 30 €. A entrada inclúe catamarán, autobús escoba e de regreso e chaleco e gorra serigrafiada cos logos da entidade.

Aproveitamos esta actividade para realizar unha reivindicación pacífica do nomeamento dun párroco titular para o noso pobo, tal e como realizamos xa noutros eventos organizados por esta asociación como o Acto Institucional do 9 de Maio de 2009, a XXXII Romaxe de Crentes Galegos ou a publicación do libro da Historia de Aguiño o pasado ano. Para elo levaremos unha pancarta na que se poderá ler a mensaxe "FACENDO O CAMIÑO POR UN PÁRROCO PARA AGUIÑO".

Dende a entidade agradecemos a labor pastoral que están a realizar o Administrador Parroquial, Cesáreo Canabal, e os sacerdotes Enrique Fernández e Ramiro Canabal no noso pobo; tamén agradecemos ao Arzobispado a boa sintonía que ten coa nosa asociación e co pobo de Aguiño ao estar estudando con agarimo unha solución á falta de párroco, sabemos que cedo nos darán unha resposta e entendemos a súa dificultade dado o grande número de parroquias na mesma situación, pero é a nosa obriga seguir reclamando, de xeito creativo e amistoso, o nomeamento dun párroco propio.

Para calquera consulta ou reservar invitacións, podedes dirixirvos aos teléfonos: 981840513 - 981 841260 - 981841105 ou ao correo electrónico aflm.aguinho@gmail.com

Máis información en www.aguiño.com e www.riveira.com/webaguino

ACTO DE PRESENTACIÓN DO LIBRO DE AGUIÑO 2009

2009-12-20T11:53:00.000-08:00

O vindeiro sábado 26 de decembro ás 19:00 h no Conservatorio de Aguiño, ao carón do campo de futbol na R/ Castelao, terá lugar o Acto de Presentación do libro "Aguiño, 50 anos de Parroquia. Historia e memoria dun pobo mariñeiro" editado pola Asociación Francisco Lorenzo Mariño e coordinado por Unai González Suárez.

No libro participaron personaxes da cultura barbanzá como J.A Otero Sobrido, Historiador e Arquiveiro Municipal de Ribeira; Mª Luisa López e Ramiro Villoch, Mestra e médico respectivamente e membros da asociación O Faiado-2; Victor Barbeito Pose, Arqueólogo do Centro Arqueolóxico do Barbanza en Neixón; Emilio Rodríguez López, mestre e escritor, recentemente falecido; Andrés Torres Queiruga, teólogo, filósofo e sacerdote; Rubén Aramburu Molet, párroco de S. Tomé de Piñeiro; Ricardo Pérez Queiruga, Politólogo e mestre que foi Patrón Maior de Aguiño, Alcalde de Ribeira e senador; Xosé Manuel Vilas Álvarez, Presidente do Xuventú Aguiño; Manuel Crujeiras Sampedro; Ventoso Mariño; Plácido Betanzos García; Eme Cartea; Xosé Chao Rego; Victorino Pérez Prieto; Xabi Blanco; Josefa Suárez Sampedro; Ciprián Rivas; Engracia Vidal Estevez; Manuel Dourado Deira; Xosé Manuel Pena... todo elo coa colaboración de numerosas personas, entidades e institucións entre as que queremos destacar a Alicia Padín Otero, Normalizadora Lingüística do Concello de Riveira e a Luis Monteagudo Calviño, Secretario da Confraría de Carreira e Aguiño.

Trátase dun volume en edición de luxo, tapas duras, con 445 páxinas e máis de 500 fotografías antigas e actuais de Aguiño e as súas xentes. Contidos sobre a historia, a arqueoloxía, o patrimonio etnográfico, o mar, a parroquia, a educación, o deporte, a sociedade, a música, o comercio, as festas e un longo etcétera onde se pon de manifesto no só a importancia de Aguiño como parroquia dende fai 50 anos, senón tamén a importancia do noso pobo dende a época dos seus primeiros poboadores alá polo cuarto milenio a.C.

Unha publicación única, imprescindible na biblioteca de calquera aguiñense e de calquera persona que ame ou sinxelamente coñeza o noso pobo. Por tan solo o prezo do seu coste, é decir, 25 €, podedes telo na vosa casa cun fermoso marcapáxinas de agasallo... sen dúbida, un FERMOSO E UTIL AGASALLO PARA O NADAL!!!

Non faltedes ao acto de presentación onde tamén se poderá mercar o libro; haberá unha mesa redonda cos autores do libro, a inauguración da exposición "Aguiño, arqueoloxía e historia" e un Ágape de Confraternidade para pechar este ano 2009.

Non faltedes, é un acto aberto a todo o mundo e gratuíto, estaremos encantados de que veñades a despedir con nós este ano de celebración do médio século de historia da nosa parroquia!!!

Os e as que non poidades asistir poderedes adquirir o libro en calquera domicilio dos directivos da asociación, nas librerías Master de Ribeira e Aguiño do noso pobo ou informándovos nos teléfono 981 840513, 981 841105, 981 841262 ou no e-mail aflm.aguinho@gmail.com e na web www.aguiño.com

Non dubidedes asisti ao acto e moito menos adquirir esta fermosa e única publicación da que solo se realizaron 1200 exemplares e dos cales solo 800 sairán á venda!!!

Aproveitamos a ocasión para desexarvos o mellor para o vindeiro ano 2010 e unhas fermosas e BOAS FESTAS DO NADAL!!!
A Directiva
Asoc. Francisco Lorenzo Mariño
Aguiño, 50 anos de Parroquia!

XXXII ROMAXE DE CRENTES GALEGOS EN AGUIÑO

2009-08-22T08:13:00.000-07:00

XXXII ROMAXE DE CRENTES GALEGOS
AGUIÑO, UN MAR DE GRAZAS
Sábado 12 de setembro de 2009

Un dos actos principais da celebración do 50 aniversario da Parroquia de Aguiño, trátase da XXXII Romaxe de Crentes Galegos que terá lugar o vindeiro Sábado 12 de setembro de 2009 no lugar de Couso do noso pobo; este evento está organizado pola asociación Francisco Lorenzo Mariño e IRIMIA. Contamos coa colaboración do Concello de Riveira e en especial da CONCELLERÍA DE CULTURA E FESTEXOS que dirixe Luciano Fernández e que nesta ocasión aporta parte da infraestructura da celebración. Tamén colaboran a Asociación Ardora que dirixe Dolores Pérez e a Asociación a Dourixeira-Comisión de Festas que dirixe Julio Abraldes. Contamos tamén coa colaboración de varias empresas como Angel López Soto, Clínica Dental Gonzalo López Castro, Panaderías Falcón e Isabel e os grupos de gaitas A Gandaina de Palmeira e Arume de Boiro.

Na celebración participarán ao redor de 150 personas directamente na organización, facéndose cargo de temas como a acollida aos participantes, que estimamos en máis de 5000 personas procedentes de toda Galicia, na cantina, no acto de celebración, no aparcamento dos máis de 60 autobuses e 500 turismos que se agardan, na liturxia, na animación, no xantar, na sinalización, etc. Estas personas estarán identificadas cunhas gorras e camisetas de organización, ademáis de con chalecos reflectantes os encargados dos aparcadoiros e sinalización; son socios/as de Francisco Lorenzo Mariño e A Dourixeira.

No lugar teremos debidamente sinalizadas as zonas de aparcamento para autobuses e para turismos e contaremos coa colaboración da Policía Local e Protección Civil de Riveira. Tamén haberá unha Cantina da organización onde poder tomar cervexa, refrescos, agua, café e chupitos a prezos populares para axudar á financiación do evento; asemade, venderánse os típicos medallóns de sargadelos conmemorativo e deseñado en exclusiva para esta ocasión, ademais de camisetas e chaveiros.

Tamén haberá pequenos postos de artesanía, productos da terra e comercio xusto, sempre xestionados por ONG´s e con fins solidarios, quedando excluído da celebración calquera tipo de venda con ánimo de lucro.

A celebración garda grandes sorpresas como unha bendición de augas chegadas de moitos lugares de Galicia, a procesión do Evanxeo con pancartas solidarias e reivindicativas na defensa da terra, do mar, da lingua, do traballo, da vivenda, da cultura, dunha igrexa católica de base achegada ao pobo e non xerarquizada, etc; sempre con ánimo de comunidade, pacífica, despolitizada e cunha proposta de achegamento a todos os sectores e estamentos cristiáns, políticos, económicos e sociais.

Esta é a 32 edición desta celebración que naceu no 1978 co ánimo de unir FE e Galeguidade e tivo lugar no nacemento do Río Miño, a segunda quixo facerse mariñeira e tivo lugar en Aguiño da man de Francisco Lorenzo, Chao Rego, Tori Pérez Prieto, Manolo Regal, Bernardino Graña, Francisco Carballo, Manuel Espiña, etc. Tamén no ano 1995 tivo lugar a segunda de Aguiño (único lugar onde se celebrou en máis dunha ocasión), xa coa presenza de outra xente ademais dos anteriores, tales como Rubén Aramburu, Andrés Torres Queiruga, Xabi Blanco, etc. Esta é a III Romaxe en Aguiño, coincide co 50 aniversario da Fundación da Parroquia e fai tamén tres décadas que tivo lugar a primeira no noso pobo baixo o lema “Batidos polo mar”. Na do 1978 houbo case tres milleiros de personas, na do 1995 foron máis de cinco milleiros (a máis numerosa na historia das Romaxes), este ano agardamos superar esta cifra e alcanzar os 6000.
A nosa asociación editou 200 carteis coa programación, 4 lonas de carretera e 1 de farola, tamén o difundiremos a través da nosa web e coa colaboración dos medios de comunicación públicos. IRIMIA tamén o difunde na súa revista quincenal que conta cunha tirada de 5000 exemplares e máis de 2000 subscritores, así como todos os grupos que participan na Romaxe como o Colectivo Home Novo da Coruña, Cristo da Victoria de Vigo, San Tomé de Piñeiro de Marín, Mulleres Rurais Galegas, Galiza non se vende, Coordinadora de Cristiáns Galegos, Amigos de Mazaricos, etc, etc das 4 provincias galegas.

O programa da Romaxe será o seguinte:

10:00 h Bombas de palenque anunciarán a Romaxe
10:00 h Pasarrúas con Arume e A Gandaina por Aguiño
11:00 h Acollida con Mexilón e Viño de balde en Couso
12:00 h Celebración no Miradoiro de Couso
14:00 h Xantar Compartido no Merendoiro
16:00 h Concerto da Quenlla en Couso
18:30 h Oración da tardiña na Igrexa de Aguiño

É importante destacar que haberá unha carpa de 900 m2 por se chove ou hai moito sol, tamén haberá cantina a prezos populares. Sinalizaremos o lugar dende a sáida da autovía en Xarás, nas Saiñas-Palmeira, no Cruce do Vilar en Carreira e no Malecón de Ribeira. Tamén no Cruce de Aguiño e na Graña-Couso.

Como sempre, a celebración durará un par de horas e estará amenizada polo Grupo Folk A Quenlla, recentes gañadores do Pedrón de Ouro e do Premio en defensa da Lingua Galega. Tamén haberá animación con gaitas de Arume e A Gandaina e a celebración mesturará elementos litúrxicos como a bendición das augas e o pan, a lectura do evanxeo, etc, cun texto realizado por Unai González Suárez, Xabi Blanco e Rubén Aramburu no que aparecerán representados e caracterizados os personaxes de Don Paco de Aguiño, a Serea de Sálvora, a Meiga e o Frade do Pedregal de Irimia ideados polo teólogo Chao Rego, unha Redeira de Aguiño e dous Guieiros da celebración, sen dúbida un texto ameno que une galeguidade, cristiandade, reivindicación laboral, económica e social, defensa da terra e do mar, do medio ambente e por suposto, a laboura e figura de Don Paco Lorenzo Mariño e a historia de Aguiño, Sálvora e Riveira dende a súa orixe.

Festa do Carme - Aguiño 09 -

2009-07-03T00:34:00.000-07:00

XOVES 16 DE XULLO

Día do Carme

09:00 h. - Dianas e alboradas con 21 bombas de palenque.

09:30 h. – Pasarrúas con gaitas do país (Grupo ARUME de Boiro)

11:30 h. – Misa Solemne na honra da Nosa Patroa A VIRXE DO CARME cantada polo Coro Parroquial acompañado polo Grupo ARUME.

12:30 h. – Procesión acompañada pola Banda de Música de Cedeira.

18:00 h. – Campionato de Tenis para mayores na pista de tenis da Praia da Katía, Premio “Cochinillo”.

19:00 h. – Campionato de Escoba no Bar Tallante. Premio “Cochinillo”.

20:00 h. – Campionato de Dardos no Bar El Cruce 1 e Bar El Cruce 2. Premio “Cochinillo”.

23: 00 h. – Gran Verbena a cargo das orquestras:

D´TACÓN
e
“OS SATÉLITES”

00:00 h. – Pregón…

--------------------------------------------------------------------------------

VENRES 17 DE XULLO
09:00 h. – Diana e alboradas con 21 bombas de palenque.

09:30 h. – Pasarrúas con gaitas do País (Grupo ARUME de Boiro)

10:00 h. – Campionato de Tenis Infantil na pista de tenis da Praia da Katía. Premio “Cochinillo”.

11:00 h. – Concurso de Debuxo para todas as idades no salón da Cofradía.

11:30 h. – Carreira de Sacos para todos na explanada da festa.

12:00 h. – Carreira de Chalanas cos ollos tapados. Premio “Cochinillo”.

12:30 h. – XXXIV Concurso de Cucañas (No Porto de Aguiño). Premio “Cochinillo”. Vente comer unhas boas mocadas pra nos rir todos.

17:00 h. – INFANTILANDIA de 17:00 h a 21:00 h. no Campo da Tasca ou no Grupo Escolar (con hinchables, búfalo mecánico, festa da espuma, etc…)

18:00 h. – Campionato de Manilla no Bar Serriño. Premio “Cochinillo”.

21:00 h. – Campionato de Futbolín a celebrar no Bar Victoria. Premio “Cochinillo”.

21:30 h. – Pasarrúas a cargo da Charanga.es

23:00 h. – Gran Verbena a cargo de

LEDICIA
ODISEA
e
ILUSIÓN

--------------------------------------------------------------------------------

SÁBADO 18 DE XULLO
09:00 h. – Dianas e alboradas con 21 bombas de palenque.

09:30 h. – Pasarrúas con gaitas do país (Grupo ARUME de Boiro).

11:00 h. – Tren Turístico que sairá da explanada da Festa.

12:30 h. – Gran Sardiñada.

17:00 h. – Tren Turístico que sairá da explanada da Festa.

18:00 h. – Campionato de Tute no Bar Tamba. Premio “Cochinillo”.

19:00 h. – Chocolate con Churros no Peirao.

20:00 h. – Exhibición de Baile a cargo de “El Tomasón”. No Auditorio (ó lado do Campo da Tasca).

20:00 h. – Fútbol entre Solteiros S.C e Casados B.A

21:30 h.- Pasarrúas a cargo da Charanga “VAI DE RODA”.

23:00 h.- Gran Verbena amenizada por:

ARMONIA SHOW
e
ODEON

00:00 h. – Gran Queima de Fogos de Artificio a cargo da Pirotecnia RESUA.

00:30 h. – Continua a verbena…….

PARALIZADA A CONDENA A TORRES QUEIRUGA

2009-06-17T03:25:00.000-07:00

Segundo "religiondigital" a Conferencia Episcopal paralizou o expediente de condena da Obra Teolóxica de Andrés Torres Queiruga logo de aque os Bispos de Lugo e Ourense, membros do órgano de Goberno da Igrexa Católica Española, informasen de que a filtración do suposto expediente condenatorio estaba a producir unha importante oposición social en Galicia.

Andrés con Unai e Judit no Acto do 50 Aniversario da Parroquia de Aguiño no que foi nomeado AGUIÑÉS DE HONRA

Intelectuais da galeguidade, membros de órganos como a Real Academia ou o Consello da Cultura Galega, da Universidade de Santiago e do mesmo Cabildo Compostelán manifestaron a súa oposición radical a esta condena.

Tamén asociacións, fundacións e xornalistas, entre os que podemos citar a Barreiro Rivas, Ramón Baltar, Helena Villar Janeiro, Victorino Pérez Prieto..., ou entidades como a nosa Asociación ou A Dourixeira e Ardora condenaron a censura que a Igrexa pretendía exercer sobre a persona e a obra do Aguiñés de Honra.

Parece que polo de agora van deixar o asunto, o cal non quere decir que o retomen nun futuro, debemos estar atentos e atentas aos pasos que de a curia neste sentido. A Romaxe de Aguiño pode ser un punto e seguido para este expediente condenatorio, o cal non podemos permitilo, reiteramos que estamos dispostos a continuar coa nosa protesta e loita en favor de Andrés.

Polo de agora, felicitámonos todos e todas da boa nova. Forza e Aguiño en loita!

Unai González Suárez

Asociación Francisco Lorenzo Mariño

ANDRÉS TORRES QUEIRUGA

2009-06-12T13:37:00.000-07:00

NA DEFENSA DO AGUIÑÉS DE HONRA

Recoñecido AGUIÑÉS DE HONRA o 9 de maio de 2009 co consenso de todas as asociacións e agrupacións culturais, veciñais, recreativas, educativas, sociais e empresariais do Pobo de Aguiño. Acto do 50 Aniversario da Fundación da Parroquia de Nosa Señora do Carme, berce de Andrés e coa presenza do Arcebispo de Santiago, Monseñor Julián Barrio Barrio entre outras autoridades eclesiais, civís e militares.

AGUIÑO ESTÁ CON ANDRÉS

MANIFESTO A FAVOR DA SÚA VALÍA E A SÚA OBRA

Socio de Honra da Asociación Francisco Lorenzo Mariño

Socio de Honra da Asociación A Dourixeira

Galego Egrexio, Membro da Real Academia, Membro do Consello da Cultura

ACTO INSTITUCIONAL DO 9 DE MAIO - AGUIÑO, 50 ANOS DE PARROQUIA (1959-2009)

2009-05-29T05:25:00.000-07:00

Membros da Asociación que organizaron o acto

O sábado 9 de maio deste ano, coincidindo en día de semana co 9 de maio de 1959, celebramos os actos institucionais do 50 Aniversario da fundación da Parroquia de Aguiño baixo advocación de Nosa Señora do Carme, Patroa das xentes do mar.

Campanario de Aguiño coa pancarta conmemorativa

O transcurso dos actos estivo supervisado en todo momento por socios/as da nosa entidade, así como por integrantes da Xunta Directiva que se encargaron de organizar o ágape, a ceremonia, a entrega de distincións, a colocación da placa conmemorativa, os pasarrúas de gaitas do País e a tirada de bombas que se prolongou ó longo do día.

Membros da entidade preparando o Ágape

Foron numerosos os medios de comunicación social que se fixeron eco deste evento, relatando ó día seguinte o transcurso das actividades, así como os distintos protagonistas, e sobre todo, a ledicia das celebracións compartidas por preto dun milleiro de veciños e visitantes.

Numerosos veciños e visitantes ateigaron a Igrexa Parroquial

Foron homenaxeados e distinguidos Andrés Torres Queiruga como Aguiñés de Honra, Manuel Ayaso Dios como Aguiñés das Artes, Ricardo Pérez Queiruga como Benefactor de Aguiño e Xosé Chao Rego, Manuel Espiña Gamallo e Manuel Dourado Deira como Amigos de Aguiño.

Coral do Círculo Mercantil de Riveira na ceremonia

Tamén se entregaron agasallos conmemorativos da efeméride ó Concello de Riveira e o seu Alcalde, Xosé Luis Torres Colomer; á Xunta de Galicia na representación da Conselleira do Mar, Rosa Quintana; ó Arzobispado de Santiago e o Bispo Xulián Barrio Barrio; ó Administrador de Aguiño e Sacerdotes que atenden a Parroquia, Cesáreo e Ramiro Canabal e Enrique Fernández, e á Coral do Círculo Mercantil de Riveira e ó seu director, Antonio Fernández.

Unai González Suárez pronunciando o discurso institucional

Houbo tamén un sentido recordo na lembranza presente de quen nos acompaña e alenta, Francisco Lorenzo Mariño, neste ano no que ademáis conmemoramos un lustro do seu pasamento aquel 16 de xaneiro de 2004. E por suposto, un sonado apláuso para todo o pobo de Aguiño, para as veciñas e veciños, ilustres anónimos, que contribuíron co seu esforzo e traballo cotián a crear e fortalecer o pobo e a parroquia que hoxe disfrutamos.

A celebración relixiosa estivo presidida polo Arcebispo Xulián Barrio, acompañado de Andrés Torres Queiruga, Cesáreo Canabal e Enrique Fernández. Tamén fixeron a Confirmación 15 rapaces/as da Parroquia. A eucaristía estivo cantada pola Coral do Círculo Mercantil e Industrial de Riveira. Ó rematar os actos, o Presidente da asociación, Unai González Suárez, en nome da entidade e das outras asociacións do pobo que consensuaron os nomeamentos dos homenaxeados, pronunciou un sentido discurso e entregou as distincións, facéndose eco da solicitude veciñal do nomeamento dun novo Párroco propio e axeitado para a singularidade do pobo de Aguiño.

Preto dun milleiro de personas compartiron o Viño Galego

Xa no exterior, o Arcebispo e o Alcalde de Riveira, na presenza das numerosas autoridades e dos veciños/as de Aguiño, descubriron a Placa Conmemorativa da efeméride que foi colocada na fachada esquerda da Igrexa Parroquial. O Grupo de Gaitas A Gandaina entonou o Himno Galego e unha estrondosa traca de bombas dou por concluído o ceremonial do acto.

A continuación, todos os asistentes, preto dun milleiro de personas, disfrutaron dun Viño Galego na R/ da Igrexa e servido pola Asociación Francisco Lorenzo Mariño e consistente en 18 empanadas, 12 carrapitos, 12 bizcochos, 20 tortillas, 1500 panecillos con embutido, 100 bolsas de patacas fritidas, 15 kg de cacahuetes, 12 kg de aceitunas, 200 kg de mexilón á vinagreta, 90 botellas de Mencía, 48 botellas de Ribeiro, 220 litros de refrescos e 90 litros de auga.

Pola noite, no cruce de Aguiño, e por cortesía da Agrupación Organizadora da Festa dos Maios, máis dun milleiro de personas asistiron á verbena a cargo do Grupo Azalea e da fantástica e recoñecida Orquestra Cunter´s.

Agardamos que este evento foxe do agrado de todas e todos, informamos que dende a asociación seguimos a traballar para organizar outras actividades, tales como foi o Día da Bici o pasado 24 de maio, ou será a Presentación Oficial da web de Aguiño o vindeiro mes de xuño, unha actividade literaria, a Mostra de Teatro de Inverno, a Romaxe de Crentes Galegos, a publicación dun libro de historia e unha exposición de documentos, xornadas e conferencias culturais, etc.

Queremos agradecer a colaboración de Caixanova, CONRESA, Aliprox, Etelvina, Publicolor, Combustibles Puebla, Construccions Mariscal, Construcciones Aguiño, Initel, Librería Master, Tapicería González, Farmacia Enguíx de Palmeira, Florerías de Aguiño e de todas as personas que colaboraron con nós para facer os actos, así como de todos os negocios de Aguiño e Ribeira que teñen o PETO para os donativos para os actos deste 50 ANIVERSARIO.

Se queredes colaborar economicamente con este proxecto, podedes facelo nas contas que esta asociación ten abertas en Caixanova e Caixagalicia indicando o nome da empresa ou persona que realiza o donativo, colaboración ou patrocinio. Anticipamos grazas pola vosa axuda:

Contas da ACRV Francisco Lorenzo Mariño (CIF G-70038039):

Caixagalicia Aguiño:

2091 0339 76 3000034382

Caixanova Ribeira:

2080 0158 32 0000034862

........................................

Asociación Francisco Lorenzo Mariño

..............................................

DIA DA BICI EN AGUIÑO - MAIO 2009

2009-05-25T01:26:00.000-07:00

O Día da Bici foi un éxito rotundo, case trescentas personas se achegaron a Aguiño para participar nesta actividade organizada pola Concellería de Deportes de Riveira, a Peña Tahume e a nosa asociación con motivo do 50 Aniversario da Parroquia.

Foron 41 rapaciños os que se inscribiron directamente no posto que levantou a asociación ó pé da lonxa no porto de Aguiño, pero case un cento as personas que se achegaron á actividade. Participaron 15 personas da entidade para que todo estivese OK!

Ás doce da mañá chegou o pelotón procedente de Ribeira con dous centos de personas de todas as idades, foron recibidos con gorras co logo da entidade e bocadiños, augas e refrescos variados.

Unha nova actividade de éxito nas celebracións dos 50 ANOS DE PARROQUIA.

Agardamos seguir realizando eventos, os vindeiros días presentaremos oficialmente a páxina web www.aguiño.com

Grazas por colaborar e por participar!

DÍA DA BICI EN AGUIÑO - DOMINGO 24 DE MAIO DE 2009

2009-05-15T12:01:00.000-07:00

A nosa asociación, en colaboración coa Concellería de Deporte do Concello de Riveira organizan o DÍA DA BICI 2009, que terá lugar o vindeiro domingo 24 de maio con saída ás 11:15 h da Praza do Concello de Riveira, traslado dos participantes ata o porto de Aguiño e regreso á capital municipal.

Nesta ocasión, a delegación de máis varios centos de participantes de todas as idades, serán recibidos en Aguiño por membros da asociación Francisco Lorenzo Mariño, que ataviados coa camiseta conmemorativa daranlles a benvida con motivo do 50 ANIVERSARIO DA FUNDACIÓN DA PARROQUIA (1959-2009), convidándoos a uns pinchos e refrescos, así como agasallando a cada un dos 200 primeiros participante cunha gorra cos logo da efeméride que estamos a celebrar.

...........................

Para os nenos e nenas de

Aguiño menores de 10 anos

........................

Os nenos e nenas de Aguiño menores de 10 anos poderán dirixirse directamente ó Porto do noso pobo (ao carón da lonxa) para inscribirse de 11:15 a 11:50 h, terán que ir coa bicicleta e acompañados dun adulto, os 50 primeiros recibirán unha gorra conmemorativa do 50 Aniversario da Parroquia de Aguiño, tamén terán bocadiños e refrescos e logo acompañarán á comitiva de máis de varios centos de participantes ata a saída de Aguiño en dirección a Castiñeiras

(A Pontella en Listres).

Esta actividade súmase ás xa realizadas no que vai de ano, e ben a cubrir un espazo no mes de maio no que tamén presentaremos oficialmente a web www.aguiño.com, onde haberá contidos de todo tipo sobre o noso pobo e facendo fincapé na historia e a memoria do último médio século.

Agardamos que a esta iniciativa se sume a maior xente posible, recordando que deben inscribirse o mesmo día de celebración en Riveira, ó regreso sortearánse diversos agasallos e material deportivo entre os participantes.

Animádevos a colaborar e a participar!

Unai González Suárez

ACRV Francisco Lorenzo Mariño

CERTAME LITERARIO FRANCISCO LORENZO MARIÑO - AGUIÑO, 50 ANOS DE PARROQUIA

2009-05-14T06:13:00.000-07:00

DISTINCIÓNS OTORGADAS CON MOTIVO DO 50 ANIVERSARIO DA PARROQUIA DE AGUIÑO

2009-05-08T12:41:00.000-07:00

Xa se coñecen os distinguidos polo pobo de Aguiño
na conmemoración do seu 50 aniversario como parroquia

Santa Uxía de Riveira, 7 de maio de 2009. A Asociación Cultural, Recreativa e Veciñal Francisco Lorenzo Mariño, fundada no 2005 co ánimo de “dinamizar e alentar a vida cultural, social e recreativa do pobo de Aguiño, defender os intereses da súa veciñanza e sectores económicos e manter, difundir e continuar a laboura de Don Francisco e a súa propia figura (Art. 3 dos estatutos)”, presidida dende aquela e ata a actualidade por Unai González Suárez, deu a coñecer ás personalidades que distinguirá este 9 de maio de 2009, Día Grande do 50 aniversario de Aguiño como parroquia.

Andrés Torres Queiruga, Aguiñés de Honra

É a distinción principal e lévaa o teólogo, filósofo e sacerdote nado en Aguiño o 28 de maio de 1940. É Doutor en Teoloxía pola Universidade Gregoriana de Roma en 1973 e Licenciado en Filosofía pola Univ. de Comiñas no 1962 e Santiago en 1985. É membro numerario da Real Academia Galega, do Consello da Cultura Galega, foi fundador e Director da Revista Encrucillada, colaborador de máis dun cento de publicacións relixiosas e laicas, e autor de numerosas obras traducidas a idiomas como o castelán, portugués, alemán, inglés, italiano que foron publicadas en máis dunha dúcia de países de Europa e América, participando en foros e congresos internacionais celebrados por toda a xeografía mundial.

Está considerado o teólogo galego máis importante da posguerra e un dos máis destacados do mundo. É autor de títulos como Teoloxía e Sociedade, Recuperá-la salvación, Nova Aproximación a unha filosofía da saudade, Rolda de ideas, Creo en Deus Pai, O inferno a revisión… e un longo etcétera. Foi Medalla Castelao de Galicia, Socio de Honra de Irimia e da Asoc. A Dourixeira e a Comisión de Festas de Aguiño. Defensor da cultura e o idioma galegos, da Igrexa do pobo e do apostolado que defende o Vaticano II, é introductor dos cántigos galegos nas celebracións católicas e un dos traductores da Biblia en galego. Considerando que é o aguiñés máis universal, que defende o nome do seu pobo e contribue co seu traballo e laboura a divulgalo, promovelo, así como ós seus veciños e veciñas, sendo impulsor de numerosas iniciativas sociais, culturais e veciñais en Aguiño da man de Don Francisco Lorenzo, creémolo unánimemente o único e máis indicado candidato para este mérito histórico que leva parexo ademáis o de ser nomeado SOCIO DE HORNA DA ACRV FRANCISCO LORENZO MARIÑO, igual que todos os distinguidos nesta ocasión.

Aguiñés das Artes: Manuel Ayaso.

Nado en Aguiño en 1934, realiza estudos artísticos na Newark School of Fine e no Industrial Arts de Newark (Jersey). Pintor autodidacta recoñecido internacionalmente e que triunfou fundamentalmente en Estados Unidos de América, autor dun estilo propio que o fixo destacar no gravado e a estampa dixital. Realizou máis dun cento de exposicións por todo o mundo entre os que destacamos Miami, Los Ángeles, Washington, New Cork, Jersey, Vaticano, Roma, París, Donostia, Madrid, Barcelona, Lisboa, Vigo, Santiago, Coruña e Ribeira. No ano 2002 donou catro cadros para a Igrexa do Carme de Aguiño, de temática propia e sobre o “Cristo do Carreiro ou Mariñeiro” que el interpreta vela por Aguiño, os mariñeiros e as súas xentes. Tamén diseñou unhas acuarelas como bocetos para as vidrieiras do templo parroquial (que nunca se realizaron). Por todos estes méritos profesionais e personais, contribuíndo a promover Aguiño e as súas xentes, sendo o mellor promotor e divulgador do noso pobo dentro do campo da cultura e as artes, considerámolo o maior merecedor da distinción de AGUIÑES DAS ARTES e Socio de Honra da ACRV FLM.

Benefactor de Aguiño: Ricardo Pérez Queiruga

(Ribeira, 10 de marzo de 1929), Maestro e Licenciado en Ciencias Políticas e da Administración pola USC. Foi mestre, director da Caixa de Aforros e Patrón Maior de Aguiño. Alcalde de Riveira en dúas ocasións (1975-78 e 1987-91), Director Xeral de Pesca, Diputado provincial, Parlamentario galego e senador. Residiu en Aguiño durante máis de catro décadas, sendo impulsor de numerosas iniciativas sociais, culturais, deportivas e económicas, destacando no sector da pesca e o marisqueo, o deporte e a educación, fundando entidades e asociacións como o Xuventú Aguiño, do que foi o primeiro entrenador. A súa xestión e loita como Patrón Maior e Alcalde está detrás da vella lonxa do peixe, da ampliación do porto, do edificio do pósito, dos frigoríficos da cofradía, da extinguida praza de abastos, do campo de futbol, do grupo escolar e de varias rúas, saneamento e alumeado público, entre outras. Foi un referente político e social da súa época, valedor de Aguiño e loitador polo desenvolvemento económico e social desta vila mariñeira, polo que o consideramos o maior merecedor, entre varios candidatos, da distinción de BENEFACTOR DE AGUIÑO e Socio de Honra da ACRV FLM.

Amigo de Aguiño: Xosé Chao Rego

(Vilalba, 1932), Licenciado en Filosofía pola Universidade de Salamanca e Teoloxía en Roma. Fáise cargo durante tres cursos da dirección do Seminario Maior de Santiago. Exerceu de párroco durante 17 anos na parroquia de Santa Mariña do Vilar, en Ferrol, en anos clave do tardo-franquismo. En 1976 retírase á casa natal de Vilalba, coa idea de se dedicar ao estudio e á publicación cultural e relixiosa. Actualmente é unha das principais figuras peninsulares no ámbito do ensaio sobre temas antropolóxicos e teolóxicos. Foi promotor das revistas de renovación cristiá "Irimia" (onde escribe moitos dos anónimos "Cantares do Irimego") e "Encrucillada". Tamén mantén unha columna semanal no xornal "La Voz de Galicia". Recibiu o Premio de Ensaio da Crítica en 1983, foi finalista do Premio Nacional de Literatura polo seu ensaio "Eu renazo galego" e no ano 2002 dedicóuselle o Día das Letras Chairegas. Entre o máis de medico cento de obras publicadas podemos destacar A lenda do pedregal de Irimia, A condición homosexual, Biblia Popular Galega, Eu renazo galego; ensaio sobre a identidade galega, Os tempos son chegados e Un futuro para a lingua.

Amigo de Aguiño: Manuel Dourado Deira

(Rianxo, 30 de agosto de 1929), Mestre, é colaborador en lingua galega de xornais e revistas, nas que presta grande atención aos temas do Barbanza, sobre todo en El Correo Gallego. Na revista Encrucillada publicou algúns traballos sobre autores rianxeiros. Entre os milleiros de artigos de Dourado, cómpre sinalar os que fan referencia a escritores da nosa bisbarra entre os que se atopan os adicados a Don Francisco ou ó pobo de Aguiño, como a polémica mantida co entonces Administrador Parroquial de Aguiño, Ricardo Villaverde (no 2004) sobre o escudo de Castelao, a Medalla de Galicia, os Viacrucis da Igrexa ou a labor pastoral de D. Paco en Aguiño durante 45 anos. Publicou en revistas como Logos, Grial, Irimia e varios volumen de Barbantia, ademáis de xornais como El Correo ou El Ideal Gallego. No ano 2008 recibiu o Sireno de Bronce de Barbantia pola súa traxectorica cultural nesta comarca.

Amigo de Aguiño: Manuel Espiña Gamallo

(25 xullo de 1933), Sacerdote e Teólogo pola Universidade de Comillas, foi Director Espiritual do Seminario Menor de Belvís (Santiago), erradicando os castigos aos estudantes por falar en galego en 1962. Imparteu clases na Universidade da Coruña, na Real Colexiata e no Seminario-Hogar de Santa Margarita da cidade Herculina. Destaca por colaborar na tradución dos Evangelios ó galego en 1966, a primeira Misa Galega fixa nas Capuchinas de Coruña e o primeiro Misal galego con Mourente, polo que recibe no 1968 o premio Pedrón de Ouro. Presisidu as Xornadas Patrióticas Galegas en Argentina e Uruguai nos anos 1978 e 1981 respectivamente. En xaneiro de 1970 empeza unha sección fixa en La Voz de Galicia baixo o título Outeiro de San Xusto dende onde denuncia a discriminación na Igrexa frente á cultura e lingua galega e o afastamento do Vaticano II, apoiando en numerosas ocasións a Don Francisco e a Parroquia de Aguiño. Funda a Asociación Cultural de Profesores da Coruña e CODELI. Dende 1978 ata a actualidade preside o Patronato de la Fundación Labaca e a Irmandade Médica Paulino. É vocal da Irmandade Moncho Valcarce e secretario da cooperativa CODELI e asesor de religión da Comunidad C. do Home Novo

(fundada en 1973).

Polos méritos que concorren en eles a nivel personal e profesional, contribuir a difundir, divulgar e dar a coñecer o nome do pobo de Aguiño e a súa veciñanza; participar na dinamización social, cultural, económica e relixiosa da Parroquia durante máis de corenta anos da man de Francisco Lorenzo ata o seu pasamento e despóis con esta entidade, apoiar a laboura de Don Francisco e a súa persona, participar na organización das Romaxes (1979 e 1995), nos Cruceiros, nos Coloquios de Parroquias, na Festa do Vento ou as Irimianzas, contribuir á evanxelización cristiá na nosa lingua e dende o espíritu do Vaticano II, e poñer o nome deste pobo nos libros de historia, nas publicacións relixiosas e en medios de comunicación como os xornais LA VOZ DE GALICIA, A NOSA TERRA, EL IDEAL GALLEGO, EL CORREO GALLEGO, LA REGIÓN, EL PROGRESO, DIARIO DE PONTEVEDRA, LA OPINIÓN ou revistas como ENCRUCILLADA, IRIMIA, LOGOS…, decidimos recoñecelos como dignos merecedores da distinción que conleva o ser nomeado AMIGO DE AGUIÑO, parrello ó nomeamento de Socio de Honra da ACRV FLM.
As tres primeiras distincións (Aguiñes de Honra, Aguiñés das Artes e Benefactor de Aguiño) corresponden a unha placa en estuche con texto gravado e pergamino conmemorativo, a de AMIGO DE AGUIÑO corresponde a unha peza de cerámica galega que representa unha pomba co poema Adeus Ríos, adeus fontes de Rosalía de Castro, cun pé con placa onde se recolle a distinción, e un pergamino conmemorativo como Socios de Honra.

Logo do acto religioso que estará presidido polo Arcebispo de Santiago e no que Confirmarán a súa FE quince mozos/as da Parroquia, entregaranse agasallos institucionais da entidade e conmemorativos da efeméride á Diócesi de Santiago e o Arcebispo, Julián Barrio Barrió, ó Concello de Riveira e o seu Alcalde, José Luis Torres Colomer, á Xunta de Galicia e a Conselleira do Mar, Rosa Quintana, á Deputación de A Coruña, ó Administrador Parroquial, Cesáreo Canabal e os sacerdotes que atenden a parroquia de Aguiño, Ramiro Canabal e Enrique Fernández, e á Coral do Círculo Mercantil e o seu director Antonio Fernández que participan desinteresadamente neste acto. Está confirmada a presenza de, entre outras autoridades, Julián Barrio, Arcebispo de Santiago; José Luis Torres Colomer, Alcalde de Riveira e Senador; Rosa Quintana, Conselleira do Mar; Manuel Ruiz, Voceiro Popular no Parlamento de Galicia; e dos homenaxeados agás Manuel Ayaso, por atoparse en USA e Manuel Espiña por enfermidade.
Tras descubrir a placa de pedra conmemorativa no Adro da Igrexa (será descuberta polo Alcalde e o Arcebispo), haberá unha tirada de bombas e un viño galego amenizado polas gaitas de A Gandaina,. Rematarán os actos coa verbena no cruce de Aguiño a cargo de Los Cunter´s e Azalea.

ACTO INSTITUCIONAL DO 9 DE MAIO

2009-05-04T05:55:00.000-07:00

2009-04-21T11:54:00.000-07:00

O GRUPO MUNICIPAL DE TEATRO DE RIVEIRA COLABORADOR COS ACTOS DO 50 ANIVERSARIO DA PARROQUIA

Manola, Ali, Merchi, Carmen, Celia e Conchita
............................................

RECITAL POETICO EN AGUIÑO

(De min para vós de Unai González)

III SEMANA CULTURAL - XANEIRO 2008

GRUPO MUNICIPAL DE TEATRO DE RIVEIRA

Carmen Peña Otero e Gloria Lijó

2009-04-15T06:16:00.000-07:00

VENDA DE ARTIGOS PARA FINANCIAR OS ACTOS DO 50 ANIVERSARIO DA PARROQUIA DE AGUIÑO

Camiseta do 50 Aniversario de Aguiño

Xa están á venda as camisetas para financiar os actos de Aguiño, tamén fixemos uns chaveiros co logo do aniversario e a Virxe do Carme de Aguiño. Están a precios módicos para gañarlle un pouquiño que nos axude a pagar os gastos dos actos do 9 de maio (que cedo se desvelarán), o Certame Literario en Poesía e Relato Curto que xa está convocado, o mes do teatro, a Romaxe de Crentes Galegos e a publicación dun libro sobre Aguiño que recolla imaxes, testemuñas e documentos históricos.

Chaveiro do 50 Aniversario de Aguiño

Podedes mercar a camiseta ó módico prezo de 6 €uros unidade, se mercades dúas ou máis a 5 € unidade. O chaveiro é a 3 € unidade. Podedes mercalo en varios establecementos de Aguiño ou contactando con calquera da asociación. Tamén mandando un mail a aflmaguinho@gmail.com ou unaiequal@yahoo.es e encargando o pedido podemos envialo por correo ou entregalo en man, para envios por correo ten uns gastos de 5 €, pero se a compra é dun mínimo de 30 euros os gastos de envío son grátis.

A camiseta é moi molona, a toda cor e de 180 gr (de boa calidade), e o chaveiro é de aceiro inoxidable. Colaborade con nós!

Moitas grazas a todas e todos!

NOVA REUNIÓN

2009-03-09T07:14:00.000-07:00

CONVOCATORIA DE REUNIÓN DA XD da AFLM PARA O 11/03/2009

Queda convocada reunión da Xunta Directiva da AFLM para o vindeiro mércores 11 de marzo ás 20:30 h no Local Parroquial Francisco Lorenzo Mariño de Aguiño, coa seguinte orde do día:

1.- Aprobación da acta anterior

2.- Elección do debuxo da camiseta e do chaveiro para por á venda

3.- Comunicación da colocación dos petos de donativos

4.- Elección de lema, medallón e designación de grupos da Romaxe de Aguiño

5.- Certame Literario

6.- Comunicación da concesión da subvención de cultura do Concello de Riveira do 2008 para AFLM, Ardora e Dourixeira.

7.- Conta da entidade en Caixa Galicia; saldo e novas sobre a modificación de datos da mesma

8.- Rogos e preguntas

O presidente, Unai González Suárez

ACTA DA REUNIÓN DO 26/02/2009

2009-03-09T06:50:00.000-07:00

REUNIÓN DA XUNTA DIRECTIVA DA AFLM O 26/02/2009 Reunida a Xunta Directiva da entidade con varios puntos na orde do día, tomáronse os seguintes acordos de interese:

- Aprobación da orde anterior.

- Decidíuse que os actos principais e máis característicos do 50 Aniversario da Parroquia de Aguiño sérán realizados e asumidos integramente pola nosa entidade, dado a falta de concreción e unanimidade de todas as asociacións do pobo para chegar a un acordo na formación do Comité de Actos. Foi aprobado na anterior reunión o logo do aniversario (07/01/2009) por maioría dos presentes e a súa utilización en todas as actividades que realicen as distintas entidades ó longo deste ano. Respecto a colaboración directa será ARDORA, DOURIXEIRA e XUVENTÚ AGUIÑO. Tamén colaborarán a ASOCIACIÓN DE XUBILADOS, ANPA VIRXE DO CARME e AGUIEIRO. O resto incluirán nas actividades que realicen o logo elexido e poderán realizar colaboracións específicas e concretas.

- Mecanismos de financiación para os actos do 50 Aniversario da Parroquia de Aguiño:

* Realización e venda de 600 camisetas cun motivo alusivo ó 50 Aniversario de Aguiño

* Realización e venda de 250 chaveiros cun motivo alusivo ó 50 Aniversario polo anverso e a imaxe de Nosa Señora do Carme de Aguiño polo reverso

* Colocación de 50 petos para donativos no comercio e hostalería de Aguiño

* Envio de cartas solicitando axudas, patrocinio, publicidade, colaboración ou donativos a empresas afincadas en Aguiño ou Ribeira

- Subvencións e axudas públicas:

* Foron solicitadas subvencións á Exma. Deputación de A Coruña e á Dirección Xeral de Política Lingüística da Xunta de Galicia para as actividades a realizar dentro da convocatoria destas institucións para o ano 2009.

* Estamos agardanado a comunicación da resolución de subvencións para actividades culturais do Concello de Riveira do ano 2008.

* Ardora e A Dourixeira deixaron as súas entidades para solicitar subvencións á Deputación para os actos do 50 Aniversario, e así foron tramitadas en colaboración coa nosa entidade.

* Solicitaránse pola nosa entidade e por Ardora dúas funcións de teatro dentro da Rede Cultural da Deputación de A Coruña unha vez abra o prazo para o ano 2009.

- Outros ingresos para financiación:

* Donativo da ANPA de Aguiño de 66,00 € para os actos do 50 Aniversario; comunicaron que seguirán colaborando coa nosa entidade cos cartos que recauen de xeito extraordinario nas actividades que realicen.

- Decidiuse crear a AULA DAS LETRAS FRANCISCO LORENZO MARIÑO, para o cal se solicitarán dotación de fondos bibliográficos a fundacións, institucións, entidades e empresas do sector do libro. Tamén unha actividade literaria ó Concello de Riveira (Área de Eduación ou Cultura - Biblioteca e Arquivo Municipais). Tentarase inaugurar con esta actividade no mes de abril (Mes do Libro).

- Autorizóuse ó Presidente a coordinar e realizar as tarefas necesarias para a publicación histórica de Aguiño que xa se tiña acordado realizar dende o 25/10/2008, así como reunir documentación, imaxes e testemuñas de interese para a mesma. Preténdese presentar en novembro ou decembro deste ano. Buscaráse colaboración económica de institucións e empresas para a súa edición.

- Queda pendente para a vindeira reunión a elección de grupos para a Romaxe de setembro, así como o lema e medallón correspondente; debe coordinarse con Irimia e saber que acordos se tomaron na Festa do Lume deste ano en Frades. Tamén queda pendente o Certame Literario e os actos do 9 de maio.

En aguiño, a 26 de febreiro de 2009.

O Presidente: Unai González Suárez

A Secretaria: Mª Pilar Millet Dios

COOPERANTES DE AGUIÑO NO SEU 50 ANIVERSARIO

2009-01-28T11:03:00.000-08:00

.....................................

OS PRIMEIROS QUE SE ACHEGAN A COOPERAR PARA OS ACTOS DA PARROQUIA:

BENVIDOS SEXADES, AGARDAMOS COAS MANS ABERTAS E DISPOSTAS A BOGAR!

Como xa sabedes, estamos ideando métodos de financiación para sufragar os gastos dos actos e eventos que se van organizar con motivo da conmemoración do 50 Aniversario da Parroquia de Aguiño. Xa sabedes que fan falta cartos para as actividades, e nós calculamos precisar ó redor de 36.000,00 €, ademáis dos orzamentos propios de cada evento organizado por outras entidades do pobo, como a Comisión de Festas (Festa do Carme cun orzamento de 60.000,00 €), Cofradía de Pescadores de Carreira e Aguiño (Festa do Percebe), Xuventú Aguiño (Partidos e campionatos), ANPA (Festivais e excursións), Ardora (excursións), etc; falamos de que os actos que se organicen este ano en Aguiño poden alcanzar o orzamento total de 150.000 €, dos cales por suposto, so 30.000 € serán extraordinarios para eventos como a Romaxe de Crentes Galegos, publicación do libro de Historia de Aguiño, creación e mantemento da WEB, Certames Literarios, Actos Institucionais do 9 de maio, etc.

A Asociación Francisco Lorenzo Mariño ten un orzamento anual duns 6.000,00 € que distribue en actividades como a Semana Cultural de xaneiro, a participación nas Romaxes en setembro, o Maio Cultural, a participación na Cabalgata e na Misa de Reis, etc. Organizando ademáis cursiños (como o de Arte Floral e o de Pandeireta), xornadas e encontros con xente do mundo literario, do cinema, etc, colaborar con outras entidades, realización e actualización do blog da entidade e de Aguiño, colaborar coa Parroquia en actividades pastorais e sociais, vertebrar o tecido social, preocuparse polos problemas do pobo de Aguiño, etc.

Este ano, pensamos en varios medios de financiación que xa van en camiño, como a venda da Lotería de Nadal, a venda de artigos promocionais (camisetas, chaveiros, gorros, etc), subvencións, convenios de colaboración con institucións con motivo específico desta efeméride ou solicitude de axudas, colaboracións, patrocinios ou mezenazgos a empresas privadas e fundacións.

Este último medio de conseguir ingresos púsoxe en marcha por correo postal, co envio de cartas e postais navideñas informando de que o ano 2009 é o ano de Aguiño, e da posibilidade de que colaborasen con nós dalgunha forma (economicamente, en especie...). Tamén se solicitará a axuda personalmente polas empresas e vía correo electrónico. Pero queremos destacar que a esta chamada realizada no Nadal pasado, responderon

*SUPERMERCADO ETELVINA-O MELLOR de AGUIÑO cunha colaboración económica

*CAIXANOVA de Ribeira, co seu director, JUSTO AREVALILLO, para estudiar unha colaboración económica ou en especie (traer un evento-actividade a Aguiño neste ano 2009), o cal queremos destacar ante os medios e toda a veciñanza para o seu xusto agrecemento, sen xente coma eles non poderiamos facer nada.

Agardamos que contesten outras empresas e fundacións, e que todo aquel que queira contribuir dalgunha forma se poña en contacto con nós a través dos correos (aflm.aguinho@gmail.com - unaiequal@yahoo.es ), do enderezo postal (ACRV FRANCISCO LORENZO MARIÑO, R/ IGREXA, S/N, 15965, AGUIÑO, RIBEIRA, A CORUÑA), nos teléfonos (639579258 - 981 840513 - 981 841129 - 981 841105 - 981 841260 e 981 835650 FAX 981 873209), en CAIXANOVA RIBEIRA (Avda. Rosalía de Castro, facendo o ingreso na conta da asociación ACRV Francisco Lorenzo Mariño) ou personalmente cun dos membros da directiva desta entidade.

Tamén queremos destacar que outras entidades e agrupacións, institucións e empresas colaboran habitualmente con esta asociación, e non só neste ano nos que somos os principais impulsores da conmemoración desta efeméride, senón nas actividades realizadas dende a fundación desta entidade no ano 2005, vaia tamén o seu nome para o seu público agradecemento:

* CONCELLO DE RIVEIRA

* ÁREA DE CULTURA E FESTEXOS E O CONCELLEIRO LUCIANO FERNÁNDEZ MARTÍNEZ

* FLORERÍAS DE AGUIÑO (BONSAI, MIMOS E AGUIÑO)

* ASOCIACIÓN CULTURAL A GANDAINA DE PALMEIRA

* GRUPO DE TEATRO MUNICIPAL DE RIVEIRA E O SEU DIRECTOR SEGUNDO DURÁN, "CHIKI"

* CONSTRUCIONES AGUIÑO

* PUBLICOLOR SERIGRAFÍA

* LIJÓ ELECTRICIDADE

* COMISIÓN DE FESTAS DE AGUIÑO-A DOURIXEIRA

* O FAIADO 2 E A SÚA PRESIDENTA MARÍA LUISA LÓPEZ OTERO

* INTERMÓN, MARTA SOPEÑA E ONG´S DE RIVEIRA

* CONSERVATORIO DE MÚSICA MUNICIPAL DE RIVEIRA

* PARROQUIA DE NOSA SEÑORA DO CARME DE AGUIÑO E O ADMINISTRADOR PARROQUIAL CESÁREO CANABAL

* DEPARTAMENTO DE INFORMÁTICA MUNICIPAL E JOSÉ PÉREZ, "MARISCAL"

* ASOCIACIÓN DE VECIÑOS/AS ARDORA

* EXMA. DEPUTACIÓN DE A CORUÑA

* POLÍTICA LINGÜÍSTICA DA XUNTA DE GALICIA

* PARROQUIA DE RIVEIRA, IRIMIA, IGREXA EVANXÉLICA, BOAS NOTICIAS...

* CONFERENCIANTES, POÑENTES, ARTICULISTAS, LITERATOS...

* MEDIOS DE COMUNICACIÓN LOCAIS (CERTO, LA VOZ DE GALICIA, DIARIO DE AROUSA, TELEVISIÓN DO BARBANZA, TELEVISIÓN SALNÉS BARBANZA, EL CORREO GALLEGO, RADIO DISCOLÓCATE, ONDA CERO BARBANZA, COPE RIVEIRA, RADIO BOIRO, CADENA SER AROUSA, TVG, BAR PLAZA E ATENEO VALLE INCLÁN, ASÍ COMO Ó XEFE DE PRENSA E ÁREA DE NORMALIZACIÓN LINGUISTICA DE RIVEIRA, ABDÓN E ALICIA)

* VECIÑAS E VECIÑOS DE AGUIÑO EN PARTICULAR E RIBEIRA E BARBANZA EN XERAL

* SOCIAS E SOCIOS DESTA ENTIDADE

* O ALENTO, TRABALLO E MEMORIA DE PACO DE AGUIÑO

Agardamos que outros podan sumarse á colaboración, de calqueira tipo, coas mans, con artigos, con documentos, economicamente, con actuacións, en especie, patrocinio ou o que queiran, agardando que a conmemoración do 50 Aniversario da Parroquia de Aguiño sexa un rotundo éxito, e por suposto, á xente para que asistan e participen dos actos que fagamos, porque sen eles non hai actos e sen vós non paga a pena traballar, sodes o noso motor cultural, participade e colaborade!, milleiros de grazas.

Unai González Suárez

Presidente da ACRV Francisco Lorenzo Mariño

imaxes de Unai Gonzalez e ACRV FLM

...........................................

50 Aª DA PARROQUIA DE AGUIÑO

2009-01-21T08:40:00.000-08:00

............................

IMAXE INSTITUCIONAL DO 50 ANIVERSARIO

Xa está elexido o logo que identificará os actos programados dentro das celebracións do 50 Aniversario da fundación da Parroquia de Aguiño, representa o campanario da Igrexa Parroquial, por entender que é un símbolo do pobo, da vila mariñeira, pois ten forma de ponte de embarcación, e foi único por ter gravado no cemento e pintado o escudo e a bandeira de Galicia no ano 1967 no que foi inaugurada a Igrexa do Carme de Aguiño. Este logo foi elexido nunha asamblea realizada o 7 de xaneiro de 2009 en Aguiño, a onde acudiron representantes da ACRV Francisco Lorenzo Mariño, Sagres, Ardora, ANPA, Dourixeira, Xuventú Aguiño, Comisión de Festas, Aguieiro, Pensionistas de Xubilados do mar, Confraría de Pescadores/as e PAX in Requiem. Entendemos que non representa unicamente o sentido relixioso e cristián do aniversario, senon tamén á parroquia como comunidade, entendidad como unha poboación unida independentemente de crenzas e ideoloxías por un fin común, sentirse aguiñenses e conmemorar a identidade propia do noso pobo.

Decidíuse que este símbolo irá en todos os eventos e actividades que organicen estas asociacións en Aguiño durante este ano 2009, sexan actos propios da efeméride ou os tradicionais celebrados anualmente polo tecido social da parroquia. Tamén que non se creará un Comité Organizador, e que o peso dos actos recaerá na Asociación Francisco Lorenzo Mariño, que realizará entre outros, de xeito individual ou co apoio das outras entidades, a Semana Cultural de Xaneiro, os actos institucionais do 9 de maio, a web de aguiño (http://www.aguiño.com/), un concerto e unha representación teatral conmemorativa, un certame literario, unha publicación sobre a historia de Aguiño e a XXXII Romaxe de Crentes Galegos en setembro en Couso en colaboración con Irimia. O resto das entidades de Aguiño tamén se volcarán con este efeméride, pero doutro xeito, apoiando na organización de actos concretos á nosa asociación e incluíndo nas súas propias actividades a imaxe institucional desta Celebración.

..........................

APUNTAMENTOS SOBRE A CREACIÓN DA PARROQUIA

Porto de Aguiño no ano 2006

A Parroquia de Aguiño foi segregada de San Paio de Carreira o 9 de maio de 1959 mediante Decreto Arcebispal asinado polo Cardenal Quiroga Palacios, Arcebispo de Santiago, logo da solicitude realizada polo párroco de Carreira, Don Alejandro, e motivando a segregación na imposibilidade de atender a tanta poboación e lugares tan afastados entres si. A división dou lugar a unha parroquia de 4,7 km2, lindando ó norte con Carreira, ó leste coa Ría de Arousa e Castiñeiras (con esta última parroquia a partir de 1967), ó sur co Océano Atlántico e ó oeste co comezo da Costa da Morte. Os lugares segregados foron Listres, Graña, Couso, Porto, Tasca, Cerca e Sálvora, contaba con 1800 veciños/as, na actualidade pasa dos tres milleiros. Constituiuse como Parroquia de "Ascenso" con dereito a Párroco e coadxutor, casa rectoral, templo e rendas pertinentes, baixo a advocación de Nosa Señora, a Virxe do Carme, Patrona dos Mariñeiros e as xentes do mar.

.................................

OS PÁRROCOS E CURIOSIDADES DA IGREXA DE AGUIÑO

Busto de Don Francisco no adro da Igrexa, inaugurado en 2002

O primeiro párroco foi Francisco Lorenzo Mariño, que chegou en outubro de 1959, sendo nomeado polo Cardenal Quiroga Palacios o 20 de setembro dese mesmo ano. Era a súa primeira parroquia como tal, xa que ata o momento so estivera como coadxutor en Sada durante dous anos, xa que foi ordeado Sacerdote no 1956. Naceu en Porto do Son, orfo de pai, viviu a infancia na Coruña, estudiou en Comiñas e Licencíouse en Teoloxía pola Universidade Gregoriana de Roma, onde pasou boa parte dos seus estudios (Roma, Milán, Venecia, Nápoles...).

Cristo e Altar da Igrexa Parroquial no acto de Homenaxe póstuma no 2004

A Igrexa Parroquial inaugurouse no 1967, as obras empezaron no 1963, foi diseñada orixinalmente polo párroco coa forma dun barco, aberta e dunha sola nave, decorada posteriormente con temática mariñeira. Casa Rectoral e campanario semellantes á ponte dun barco, contando o segundo co escudo e a bandeira de Galicia gravados en cemento e pintados ó efecto (en pleno Réxime Franquista). Entre outros méritos, o templo conta con ser o primeiro de Galicia en ter todo integramente en galego (viacrucis incluídos), feitos e pintados nos cemento fresco das paredes. A liturxia foi unha das primeiras (por non decir a primeira, hai dúbidas de se Manuel Espiña, Chao Rego ou outro misaron antes en galego) en lingua galega, pero a primeira en celebrar principalmente na nosa lingua e realizar unicamente unha única Misa en castelán á semana (agás peticións particulares), así como a celebración de todos os Sacramentos (Bodas, bautizos, Primeiras Comuñóns, Funerais, Confesión...). A música da liturxia tamén era e é en galego, o mesmo que as oracións, dalí sairon as primeiras cancións ideadas por Andrés Torres Queiruga entre outros en Roma (a finais da década dos ´50) como "Onda ti noso pai á tardiña", "Santo es ti", "Adeus irmán", "Esa é María, a nosa Nai" ou "Xesús é o capitán".

Obras no interior da Igrexa Parroquial no ano 2005

O sagrario é de pedras da praia simulando un dolmen, o Cristo crucificado está colgado con cabos mariñeiros de barcos de Aguiño (algúns de naufraxios), as lámapadas simulan salvavidas mariñerios, o púlpito é o timón dunha embarcación, os apliques laterais son candís de barcos, as fiestras da porta principal son ollos de boi, poutadas, áncoras, patelas, e un longo etcétera de temática mariñeira. No ano 2000 D. Francisco fixo os viacrucis sobre corcho empregando debuxos e imaxes de AD Rodriguez Castelao, así como colgar os medallóns de Sargadelos das Romaxes de Crentes Galegos (con estos mesmos medallóns estaba decorado durante a década dos ´90 o adro), e no ano 2003 unhas pedras enchoupadas de chapapote da praia de Pinisqueira foron parar como decoración dun lateral da Igrexa Parroquial.

Asistentes á Homenaxe póstuma a D. Francisco en 2004

Tamén conta con catro cadros de Manuel Ayaso realizados e donados polo propio autor ó cura e á parroquia no ano 2003. O templo foi remodelado, así como as imaxes do Neno e a Virxe (que se atopaban apolillados e degradados) no ano 2005 baixo a dirección de Álvaro Barros Quivén, segundo cura de Aguiño (de novembro de 2004 a setembro 2006), así como ampliado o Local Parroquial, ó que se lle puxo o nome de Francisco Lorenzo Mariño e se ampliou en 120 m2, remodelando todo o interior e exterior.

Adro e fachada da Igrexa de Aguiño na Festa do Outono de 2003

No exterior da Igrexa Parroquial, o adro conta cun hórreo de procedencia descoñecida que foi adquirido por D. Francisco na década dos ´60, así como un cruceiro de pedra cun Cristo tallado e un reloxo de sol, o busto en pedra do propio D. Paco, que foi inaugurado no ano 2000 nun acto popular de agradecemento ó parroco, tamén conta cunha pequena Virxe e un Moucho de pedra na fachada do templo, e unha pedra do mar cunha placa de lembranza baixo unha grande cruz branca inaugurada en febreiro de 2004, un mes despois do seu pasamento.

Sagrario, Cadro de Ayaso e Certificado da Medalla de Galicia concedida a D. Francisco polo Parlamento no ano 2002

Por último, sinalar, que a principal rúa de Aguiño leva o nome de Don Francisco, votada en Pleno Municipal coa unanimidade de toda a Corporación Municipal baixo o mandato de José Luis Torres Colomer, inaugurada en xullo do 2003 coa presenza do Arcebispo de Santiago, Xulián Barrio e doutras autoridades civís e relixiosas.

José Luis e Leonor inauguraron a placa na Homenaxe póstuma a D. Paco no 2004

.............................

Función Teatral na IV Semana Cultural Francisco Lorenzo Mariño

2009-01-20T06:15:00.001-08:00

.....................

Obradoiro de Teatro Concello de Noia

coa función "Retrincos de humor"

O sábado 17 de xaneiro, ás 20:30 h no Conservatorio de Música de Aguiño tivo lugar a función de teatro a cargo do Grupo do Concello de Noia, ó finalizar, o presidente e a secretaria da Asociación entregaron uns agasallos conmemorativos do 50 Aº da Parroquia de Aguiño a varias institucións, entidades e personas colaboradoras nesta e noutras ocasións. Ó finalizar tivo lugar un Viño Galego.

..........................................

Público asistente ó acto

Agradecemento do Presidente da entidade

Entrega de agasallo á Área de Cultura do Concello de Riveira
recolle o concelleiro Luciano Fernández Martínez
entrega o Presidente da asociación, Unai González Suárez

Entrega de agasallo a Segundo Durán, "Chiki" pola súa colaboración
na IV Semana Cultural Francisco Lorenzo Mariño

Entrega de agasallo a Juancho Fernández, Presidente de A Gandaina
pola súa colaboración coa entidade

Entrega de frores a agasallos ós compoñentes do
Obradoiro de Teatro. Entrega Pilar Millet, Secretaria da entidade

Entrega de agasallo conmemorativo, en lembranza
do 50 Aº da Parroquia de Aguiño a Victor Vez,
director do Obradoiro de Teatro e do Grupo Candelexas

Público asistente ó acto

Un momento da actuación

Outro momento da actuación

Ofrenda Floral a Francisco Lorenzo Mariño

2009-01-20T06:07:00.000-08:00

.................................

O sábado 17 de xaneiro, coincidindo día da semana e data do enterro de Francisco Lorenzo Mariño fai xa cincoa anos, tivo lugar no Cemiterio de San Vicente de Noal de Porto do Son, a Ofrenda Floral que todos os anos organiza esta entidade. O manifesto foi realizado e leído polo presidente da asociación, Unai González Suárez. O ramo de rosas vermellas foi depositado na tumba de Paco por Sarai e Miriam Pouso e Pamela e Alejandra Sampedro, soaron as gaitas de A Gandaina de Palmeira, primeiro coa Marcha do Antigo Reino de Galicia e ó final co Himno Galego. Tamén rezamos un Noso Pai. Acompañáronnos moitos veciños/as de Aguiño, do Son e da comarca, tamén autoridades como Manolo Tomé, Alcalde do Son, ou Francisco Mareque, Voceiro do PSG-PSOE no Concello de Riveira. Á Misa que se celebrou en Aguiño e foi oficiada por Rubén Aramburu, tamén acudiu o Alcalde de Riveira, José Luis Torres Colomer.

Benvida ó acto

Público asistente ó acto

Grupo A Gandaina de Palmeira

Lectura do Manifesto polo presidente da entidade

Xornadas de Etnografía e Historia de Aguiño

2009-01-20T05:53:00.000-08:00

................................

María Luisa López de O Faiado 2 e Antonio Piñeiro impartiron as ponencias das Xornadas de Etnografía e Historia de Aguiño no ano do seu 50 Aº como Parroquia

Inauguraron o Tenente de Alcalde de Riveira,

Vicente García, e o Presidente da asociación

Tamén se visualizaron imaxes e documentos antigos sobre Aguiño

Luisa falou da etnografía, o patrimonio e a paisaxe

Antonio falou de rasgos históricos de Aguiño dende o ano 2000 AC

Asistiu numeroso público entre o que se atopaban

varias autoridades municipales e políticos locais

Preto dun cento de personas acudiron á Casa do Mar de Aguiño

O presidente da asociación acompañou ós ponentes das conferencias

Tamén se falou de preservar a memoria histórica e

ter conciencia de que Aguiño ten milleiros

de anos e foi un dos primeiros asentamentos de Galicia

Falóuse de que os veciños/as que teñan imaxes ou documentos antigos de Aguiño que os empresten á asociación FLM para enriquecer a publicación que se presentará a finais de ano.

Tamén para organizar unha exposición histórica e un catálogo de imaxes que fará a asociación Sagres dentro dos actos deste 50 Aniversario da Parroquia

Entregáronse uns agasallos conmemorativos do

50 Aª da Parroquia e unhas rosas brancas ós ponentes,

ó concelleiro e os membros de A Gandaina que

fixeron un pequeno concerto ó rematar as xornadas.

...................................

IV SEMANA CULTURAL FRANCISCO LORENZO MARIÑO

2009-01-15T06:01:00.000-08:00

IV SEMANA CULTURAL

FRANCISCO LORENZO MARIÑO

50 ANOS DE PARROQUIA

Non esquezades participar nestas xornadas onde falaremos de etnografía, patrimonio, paisaxe e historia de Aguiño e proxectaremos fotos antigas do pobo, seguro que ides disfrutar con recordos e vivencias de feitos tristes (como o desastre do Prestige ou o afunimento do Cartagena, e felices como a creación da vella lonxa, o campo de futbol ou a casa da cultura ou antigas festas do Carme).

Teremos con nós a dous profesionais como Mª Luisa a do Faiado e Antonio Piñeiro, tamén música para rematar o venres. O sábado estaremos no Son visitando a Paco e dándolle o noso agarimo cun ramo de rosas vermellas, un Pai Noso e o son das Gaitas de Gandaina entoando a Marcha do Antigo Reino de Galicia e o Himno Galego.

Tamén teremos Misa en Aguiño ás 19:15 h, oficiada por Cesáreo Canabal e cantada polo Coro Parroquial que dirixe Antonio Fernández ("Tucho o organista"), e para rematar, teatro no Conservatorio de Aguiño ás 20:30h a cargo do Obradoiro de Teatro Concello de Noia que dirixe Victor Vez e representarán "Retrincos de humor", unha recompilación de monólogos humorísticos que non pasarán desapercibidos. Logo haberá un Viño Galego, para compartir e picotear todas e todos mentas falamos do mundo, de Paco, dos 50 anos da nosa grandiosa Parroquia-Pobo de Aguiño e do que queira cada un, confraternizando e unindo xente como Paco nos ensinou ó longo de 45 anos.

Presentación dos actos da IV Semana Cultural Francisco Lorenzo Mariño

Nova Xunta Directiva da entidade (2008-2010):

Unai González, Presidente. Sara Reiriz, Vicepresidenta. Pilar Millet, Secretaria. Josefa Suárez, Vicesecretaria. María Soledad Ayaso, Tesoreira. Ramona Sampedro, Vicetesoreira. Francisco González, Teresa Sampedro, José Manuel Prado, Eva Fernández e José Luis Paz, Vocais.

Grazas a todas e todos por vir, estades invitados,

todos os actos son gratuítos, e valen a pena,

un bico agarimoso de 50 anos de historia!

ANO 2009, ANO DE AGUIÑO

2009-01-02T10:45:00.000-08:00

BENVIDO ANO 2009!!!

Este é o ano de Aguiño, o 50 Aniversario da Parroquia e o V Aniversario do Pasamento de Don Paco, que finou o 16 de xaneiro de 2004.

REUNIÓN DAS ASOCIACIÓNS DE AGUIÑO PARA CREAR O COMITÉ DE ACTOS

O vindeiro mércores 7 de xaneiro ás 20:30 h terá lugar no Local Parroquial Francisco Lorenzo Mariño de Aguiño unha reunión con todo o tecido asociativo da parroquia para organizar un Comité de Actos para esta efeméride, tamén estamos a traballar no logo identificativo desta celebración que será presentado e publicado neste blog.

ACTIVIDADES INMEDIATAS A LEVAR A CABO

Decir que as vindeiras actividades serán este luns 5 de xaneiro, coa participación de 30 nenas e nenos de Aguiño na Cabalgata de Reis de Riveira, tamén o martes 6, a Asociación pediu a Melchor, Gaspar e Baltasar que acudan á Misa das 11:30 h na Igrexa Parroquial de Nosa Señora do Carme para recibir a todos os nenos de Aguiño e entregarlles caramelos e lambetadas,

ALÍ ESTARÁN!!!

PROXIMAMENTE...

Nos esquezades que tamén traballamos para celebrar a IV Semana Cultural Francisco Lorenzo Mariño que será do 10 ó 17 de xaneiro, e coma sempre haberá conferencias, concertos, actos institucionais e relixiosos. Destacar que a OFRENDA FLORAL será no cemiterio de Porto do Son ás 17:30 h o sabado 17 de xaneiro, estará o grupo A Gandaina de Palmeira para entonar o Himno Galego e a Marcha do Antigo Reino de Galicia, tamén leeremos o manifesto e rezaremos o Noso Pai que Cristo primeiro, e Paco despois, nos ensinaron.

2008-12-05T09:21:00.000-08:00

AGOTADA A LOTERÍA DE NADAL DA ASOCIACIÓN

ONTE VENDÉUSE A ÚLTIMA PARTICIPACÍÓN DA LOTERÍA

A BENEFICIO DOS ACTOS DO 50 Aº DA PARROQUIA DE AGUIÑO

Nº 31.101

Sorteo da Lotería Nacional que se celebrará en Madrid o 22 de Nadal de 2008

MOITA SORTE A TODAS E TODOS

GRAZAS POR COLABORAR

+++++++++++++++++++++++++++

RECOLLIDA A TESTEMUÑA DA ROMAXE EN BALTAR (LUGO) O 13 DE SETEMBRO DO 2008

XXXII ROMAXE EN AGUIÑO

1959 - 2009

50 ANOS DE PARROQUIA

A directiva da asociación recolle a testemuña da Romaxe vindeira. Rosa Millet, Marisol Ayaso, Teruca Sampedro e Josefa Suárez representaron á entidade e ó pobo de Aguiño e falaron en nome da parroquia excusando a ausencia do presidente, Unai González, por motivos personais.

Imaxe da directiva da entidade co agasallo da Romaxe que entregou a organización de Baltar como testemuña 2008 e co encargo de organizar en Aguiño a Romaxe 2009 que recordará o 50 Aniversario da Parroquia e o 5º Aniversario do Pasamento de Paco.

Reunión ordinaria 25-10-08 ás 19:00 h

2008-10-28T01:02:00.002-07:00

REUNIÓN ORDINARIA DA ASAMBLEA XERAL DA ASOCIACIÓN CULTURAL, RECREATIVA E VECIÑAL FRANCISCO LORENZO MARIÑO DE AGUIÑO O SÁBADO 25 DE OUTUBRO ÁS 19:00 H

Dar conta de que o pasado sábado 25 de outubro, ás 19:00 horas tivo lugar no Local Parroquial de Aguiño unha reunión ordinaria da Xunta Xeral da ACRV Francisco Lorenzo Mariño con representantes da Asociación Irimia, Coordinadora de Romaxes para preparar a vindeira Romaxe de Crentes Galegos do ano 2009, que terá a súa XXXII Edición o sábado 12 de setembro de 2009 na nosa parroquia con motivo do 50 Aniversario, e por terceira vez, único lugar de Galicia onde se ten celebrado en máis dunha ocasión (foron a II en 1979 e a XVIII en 1995), acordando os seguintes puntos:

- A celebración será no lugar de Punta de Couso (ó igual que as dúas anteriores), queda por determinar o lugar do escenario e da acollida. O xantar e animación da tarde será na área recreativa e a “Oración da Tardiña” na Igrexa Parroquial de Nosa Señora do Carme de Aguiño. Comezará ás 10:00 h e rematará ás 20:00 h con distintos actos.
- Corre por conta da Asociación Francisco Lorenzo Mariño a solicitude de permisos oportunos, contratación de escenario, electricidade, carpa, aseos móviles, difusión, indicacións e organización de tráfico, animación de tarde, ambientación, acollida, vixiancia e outros por determinar.
- Corre por conta da Asociación Irimia a xestión a nivel galego, convocatoria de grupos participantes, contratación da música e megafonía, xestión para realización do medallón de Sargadelos e da publicación da liturxia.
- O lema, debuxo alegórico, liturxia da palabra e celebración litúrxica será conxunta e acordada ó longo do ano 2009 polas dúas entidades.
- Convócase nova reunión das dúas Xuntas Directivas de ambolas entidades para xaneiro de 2009.
- Péchase a sesión co acordo unánime de todos os puntos mencionados, sendo as 20:10 horas.

(Nova xunta directiva)

(Festa lume - Febrero 08)

Reunión extraordinaria 25-10-08 ás 18:00 h

2008-10-28T01:02:00.001-07:00

REUNIÓN EXTRAORDINARIA DA ASAMBLEA XERAL DA ASOCIACIÓN CULTURAL, RECREATIVA E VECIÑAL FRANCISCO LORENZO MARIÑO DE AGUIÑO. SÁBADO 25 DE OUTUBRO ÁS 18:00 H

Esta sábado pasado 25-10-08 ás 18:00 h no Local Parroquial Francisco Lorenzo Mariño tivo lugar a Asamblea Xeral Extraordinaria da ACRV Francisco Lorenzo Mariño, con dous puntos na Orde do Día:

1.- Modificación do Art. 13.1 dos estatutos da entidade, onde se facía referencia ó número e cargos da Xunta Directiva, sendo de 9, e pasando a aumentala a 11 creando os cargos de Vicesecretaria e Vicetesoureira para garantir o funcionamento e administración da asociación. Aprobado por unanimidade dos socios/as presentes.

2.- Convocatoria de Elección de cargos da Nova Xunta Directiva (a actual estivo dende xaneiro de 2006 ata a actualidade), que pasa de 9 a 11 membros. Presentada unha única candidatura queda aprobada por unanimidade dos presentes (máis de 2/3 da Asamblea Xeral). Estará en vigor de outubro de 2008 a outubro de 2010 (un período de 2 anos), resultando a seguinte:

Unai González, Presidente. Sara Reiriz, Vicepresidenta. Pilar Millet, Secretaria. Josefa Suárez, Vicesecretaria. María Soledad Ayaso, Tesoreira. Ramona Sampedro, Vicetesoreira. Francisco González, Teresa Sampedro, José Manuel Prado, Eva Fernández e José Luis Paz, Vocais.

Péchase a sesión coa aprobación por unanimidade dos dous únicos puntos sendo as 18:40 horas, o cal se recolle en acta, se publica no panel de anuncios da entidade durante 15 días e se notifica ós medios de comunicación social para o seu coñecemento público a tódolos efectos recollidos nos estatutos e na Lei Xeral de Asociacións.

Reunión ordinaria 08-10-08

2008-10-28T00:58:00.000-07:00

REUNIÓN ORDINARIA DA ASAMBLEA XERAL DA ASOCIACIÓN CULTURAL, RECREATIVA E VECIÑAL FRANCISCO LORENZO MARIÑO DE AGUIÑO O 08/10/08

Do mesmo xeito, dar conta de que o pasado Mércores 8 de outubro, ás 20:30 horas tivo lugar no Local Parroquial de Aguiño a reunión ordinaria anual da Xunta Xeral da ACRV Francisco Lorenzo Mariño, aprobándose todos os puntos da orde do día por unanimidade dos presentes (máis de 2/3 dos socios/as da entidade):

1.- Lectura e aprobación da acta anterior.
2.-Asumir a realización de actos conmemorativos do 50 Aniversario da fundación da Parroquia de Aguiño o vindeiro 2009. Creación dun Comité Organizador coas outras entidades da parroquia, realización da XXXII Romaxe de Crentes Galegos (setembro)en colaboración con Irimia, da IV Semana Cultural Francisco Lorenzo Mariño (xaneiro), dos actos do V Aniversario do Pasamento de Don Francisco (xaneiro) e dos actos oficiais de conmemoración da fundación da parroquia en maio de 2009.
3.- Cancelación da conta actual en Caixa Galicia e apertura dunha nova en Caixa Nova de Ribeira, con catro autorizados (cargos da XD).
4.-Realización de Lotería de Nadal con recargo dun euro cada catro para recadación de fondos para os actos do 50 Aniversario da fundación da Parroquia de Aguiño. Catro mil euros en lotería en participacións de 5 e depositados en Caixa Nova de Ribeira (actualmente xa está vendida máis da metade)
5.-Aprobación das Contas Xerais da entidade dos anos 2006 e 2007, e poñer ós socios/as ó corrente do saldo actual e dos gastos e ingresos realizados no ano 2008.
6.-Aprobación da solicitude de subvención do Concello de Ribeira para actividades culturais do ano 2008, así como información ós socios/as sobre as subvencións dadas e concedidas no ano actual (ningunha a día de hoxe concedida, á espera da notificación da Deputación solicitada en xaneiro) e denegación do grupo solicitado mediante a Rede Cultural da Deputación de A Coruña para as Festas de Aguiño 2008
7.-Convocar eleccións de cargos da Xunta Directiva para o período 2008-2010, os comicios serán o día 25 de outubro de 2008, dando conta ás socias/os que queiran presentar candidaturas que teñen 15 días naturais para facelo.
8.- Información sobre o blog da entidade e a adquisición dun dominio web por cinco anos. O blog htpp://aflm.aguino.blogspot.com, superou xa as 500 visitas en 6 meses de funcionamento. Adquiríuse o dominio www.aguiño.com ata o ano 2013 para a creación dunha web da entidade o vindeiro ano 2009 con motivo do 50 Aniversario da Parroquia de Aguiño.
9.-Rogos e preguntas (o Presidente propón introducir na seguinte orde do día para a reunión da Asamblea Xeral Extraordinaria, a modificación do Art. 13.1 dos estatutos da entidade, por consideralo directamente relacionado coas eleccións á Xunta Directiva; apróbase por unanimidade. Tamén propón realizar o mesmo día 25/10/2008, ás 19:00 h unha Reunión Ordinaria da Asamblea Xeral con representantes de Irimia para tratar o tema da organización da vindeira Romaxe 2009 (en setembro) tal e como aprobou a citada asociación na Festa do Lume celebrada no Pazo de Galegos en Frades, en febreiro de 2008, sendo esta a 3ª vez que se celebrará en Aguiño e único lugar de Galicia onde sucede este feito; apróbase por unanimidade). Recordóuselle todos os socios/as participantes a relación de colaboración mantida durante todo o ano co Concello de Riveira, en particular con Luciano Fernández Martínez, responsable da Área de Cultura e Festexos, ca Peña Madridista Amancio de Ribeira, coa Comisión de Festas de Aguiño e coa Asociación Irimia. Tamén a posta en funcionamento de dous novos cursos (outubro a xuño) de Arte Floral e Pandeireta (o primeiro con 20 socias e o segundo con 12) en Aguiño. Péchase a sesión ás 22:30 horas.

ESCOLA DE ESPIRITUALIDADE

2008-10-16T05:40:00.000-07:00

Xa está en marcha o novo curso da Escola da Espiritualidade en Santiago. Este proxecto fundado por amigos de Aguiño e da Asociación Francisco Lorenzo Mariño, como Andrés Torres Queiruga ou Rubén Aramburu, comezará o 15 de novembro na Casa Diocesana de Exercicios de Compostela. A matrícula é de 35 € e 60 para a comida dos dias de curso, cun horario de 10:00 a 19:30 h. O prazo de matrícula remata o 31 de outubro.

Se vos interesa tedes máis información no teléfono 981 591118 ou no mail turnesnegreira@yahoo.es

PRÓXIMA WEB DE AGUIÑO

2008-10-09T09:46:00.000-07:00

O vindeiro ano 2009 será o 50 Aniversario da fundación da Parroquia de Aguiño, desmembróuse de Carreira 9 de maio de 1959, na actualidade conta con 3250 habitantes.

A Asociación Francisco Lorenzo Mariño, en colaboración con outras entidades do pobo, vai organizar distintos actos para conmemorar este medio século de historia.

Unha das principais novidades será a creación dunha web da parroquia, para a cal xa temos adquirido o dominio www.aguiño.com Estará disponible a partir do ano vindeiro. Mentras a constrúímos, agradeceriamos que podeirades enviar imaxes, textos, documentos e información de interese sobre Aguiño para publicar na web, o enderezo é aflm.aguinho@gmail.com

Lotería de Nadal a beneficio de Aguiño

Temos disponible un número de lotería que podedes adquirir en calquera establecemento de Aguiño ou solicitarllo ós socios/as desta entidade. Ten un pequeno recargo para recadar fondos para a organización de actos o vindeiro ano. O número é o 31101 para o Sorteo da Lotería de Nadal do 22 de decembro de 2008, está repartido en participacións de 5,00 €. Agradecemos a vosa colaboración.

Festas do Carme (Verán 2008)

2008-07-08T04:45:00.000-07:00

Mércores 16 de Xullo (Día do Carme)

09:00 h .- Dianas e alboradas con 21 bombas de palenque.

09:30 h .- Pasarrúas con gaitas do País (Grupo ARUME de Boiro)

11:30 h .- Misa solemne na honra da Nosa Patroa A VIRXE DO CARME. cantada polo Coro Parroquial acompañado polo Grupo ARUME.

12:30 h .- Procesión acompañada pola Banda de Música de Cedeira. A continuación da ofrenda floral, baile a cárrego do Grupo "Aires de Dorna" no Peirao.

18:00 h .- Campionato de Tenis para maiores na pista de tenis da Praia da Katía. Premio "Cochinillo".

20:00 h .- Campionato de Dardos no Bar El Cruce 1 e Bar El Cruce 2. Premio "Cochinillo".

23:00 h .- Gran Verbena a cárrego das Orquestras:

"CUNTER´S
e
"SOLARA"

Xoves 17 de Xullo

09:00 h .- Dianas e alboradas con 21 bombas de palenque

09:30 h .- Pasarrúas con gaitas do país (Grupo ARUME de Boiro).

10:00 h .- Campionato de Tenis Infantil na pista de tenis da Praia da Katía.

11:30 h .- Concurso de Debuxo para todas as idades no Salón da Cofradía.

12:30 h .- Carreira de Sacos para todos na explanada da festa.

17:00 h .- INFANTILANDIA de 17:00 h a 21:00 h. no Campo da Tasca (con hinchables, búfalo mecánico, festa da espuma, etc...)

18:00 h .- Campionato de Manilla no Bar do Serriño. Premio "Cochinillo".

21:00 h .- Campionato de Futbolín a celebrar no Bar o Corno e no Bar Victoria. Premio "Cochinillo".

21:30 h .- Pasacalles a cárrego de Charanga "Os Jalochos".

23:00 h .- Gran Verbena a cárrego de

"AMÉRICA"
e
"LAMAS"

Venres 18 de Xullo

09:00 h .- Dianas e alboradas con 21 bombas de palenque.

09:30 h .- Pasarrúas con gaitas do País (Grupo ARUME de Boiro).

11:00 h .- Tren Turístico que sáirá da explada da Festa.

12:00 h .- Carreira de Chalanas cos ollos tapados.

12:30 h.- XXXIII Concurso de Cucañas (no Porto de Aguiño). Vente comer unhas boas mocadas pra nos rir todos.

17:00 h .- Tren Turístico que sairá da explanada da Festa.

18:00 h .- Campionato de Tute no Bar Tamba. Premio "Cochinillo".

19:00 h .- Chocolate con Churros no Peirao.

20:00 h .- Exhibición de Baile a cárrego de "El Tomasón" no Auditorio (ó lado do Campo da Tasca).

23:00 h .- Gran Verbena amenizada por

"ISMAEL"
e
"PASARELA"

Sábado 19 de Xullo

09:00 h .- Dianas e alboradas con 21 bombas de palenque.

09:30 h .- Pasarrúas con gaitas do País (Grupo ARUME de Boiro)

11:30 h .- Demostración de Karate a carrégo do Gimnasio Cardalda no Peirao.

13:00 h .- Gran Sardiñada.

18:00 h .- Campionato de Escoba no Bar Tallante. Premio "Cochinillo".

19:00 h .- Fútbol Feminino.

20:00 h .- Fútbol Solteiros S.C. contra Casado B.A.

20:30 h .- Encontro de Música Coral na Igrexa Parroquial a cárrego de:
- Coral Polifónica de Berres da Estrada.
- Coral Irmán Gómez de Santiago.
- Coral Polifónica do Círculo Mercantil de Riveira.

23:00 h .- Gran Verbena no campo da Festa a cárrego de:

"BRUJAS"
e
"ATLANTA"

00:00 h .- Gran Queima de Fogos de Artificio a cárrego de Pirotecnia Resúa.

00:30 h .- Continúa a Verbena ata que o corpo aguante.

RECORDOS PUBLICOS

2008-05-22T23:59:00.001-07:00

ROMAXE 2009 EN AGUIÑO

2008-05-20T04:39:00.001-07:00

A Romaxe de Crentes Galegos 2009 volverase celebrar no pobo de Aguiño, o cal supón unha terceira edición neste lugar, un feito histórico xa que a Romaxe que organiza a Asociación Irimia ten lugar cada ano nun lugar diferente de Galicia dado o seu carácter itinerante.

Celebración da XXX Romaxe

Esta decisión tomóuna a Xunta Directiva de Irimia coa asamblea de socias/os nun acto celebrado en Galegos, Frades, na Festa do Lume 2009, onde acudirón preto de dúas ducias de aguiñeses no nome da Asociación Francisco Lorenzo Mariño, que preside Unai González, para solicitar esta concesión dado que no ano 2009 cúmprense 50 anos da fundación da Parroquia de Aguiño (9 de maio de 1959) e 5 anos do pasamento de Paco.

O 12 de setembro de 2009, en Couso, terá lugar a celebración da XXXII Romaxe de Crentes Galegos, que será celebrada por Rubén Aramburu, Andrés Torres Queiruga e outros sacerdotes e membros activos de Irimia.

Artigo Prensa sobre Concesión da Romaxe

Agardamos que a participación sexa numerosa, a máis elevada como sucedeu nas Romaxes de 1979 (con 3000 asistentes) e na de 1995 (con 7000 personas).

A organización correrá a cargo da Asociación Francisco Lorenzo Mariño de Aguiño e de Irimia, apoiados por outras entidades do pobo, como a Comisión de Festas, a Asociación de Veciños/as Aguieiro..., e institucións como o Concello de Riveira.

Para máis información, contactar coa ACRV Francisco Lorenzo Mariño no correo aflm.aguinho@gmail.com

VIDA E OBRA

2008-05-15T20:39:00.000-07:00

Francisco Lorenzo Mariño, "Paco de Ajiño" naceu en Porto do Son no 1929 (A Coruña), orfo de pai, emigrou de neno coa súa familia á cidade herculina onde pasou a súa infancia no porto coruñés. Estudou no Seminario en Compostela e Licencióuse en Teoloxía na Universidade Gregoriana de Roma.

IV Semana Cultural Francisco Lorenzo Mariño
Aguiño, xaneiro de 2008

Oficiado sacerdote exerceu dous anos en Sada, foi nombrado Párroco de Aguiño o 23 de setembro de 1959, ano da fundación desta parroquia, que foi segregada de Carreira o 9 de maio por Decreto Arzobispal de Quiroga Palacios baixo a advocación de Nosa Señora do Carme.
Dende ese ano foron moitas e importantes as obras realizadas por Paco ou coa iniciativa e colaboración del; como entidades a S.D. Xuventú Aguiño, a Asociación Veciñal Ardora, a Fábrica do Xeo, o Consello Parroquial Aguieiro, a Comisión de Festas do Carme, a Asociación Cultural A Dourixeira...; como eventos a Cabalgata de Reis, Festa dos Maios, Romería do Neno en Couso...; en publicacións o Vicanso Cultural, o xornal O Carreiro... que contribuiron á dinamización cultural, social e veciñal deste pobo mariñeiro.
A nivel galego foi un dos impulsores da Romaxe de Crentes Galegos (xunto a Pepe Chao, Torres Queiruga, Agústín Bueno, Daniel López Muñoz, Arauxo Iglexias, Manuel Dourado...), da Asociación e Revista Irimia, da Festa do Lume, o Bienio Irmandiño, as Irimianzas, o Grupo Boa Nova, etc, etc. A II Romaxe de Crentes Galegos tivo lugar en Aguiño en setembro de 1979 e a XVIII en setembro de 1995 baixo os lemas "Batidos polo Mar" e "Somos pedras Vivas", foron as máis numerosas en participación (3000 e 7000 personas respectivamente) e nelas aprendemos importantes legados como o Credo Galego que nos ensinou Pepe Chao.
Mestre de Relixión máis de trinta anos no Instituto de Riveira, corresponsal de La Voz de Galicia durante un quarto de século, colaborador de Encrucillada, membro da mesa de redacción de Irimia, etc. Foi o primeiro cura en misar en galego e o de Aguiño, o primeiro templo parroquial en ter todo integramente na nosa lingua. Edificado en 1965 contou cun campanario co escudo e a bandeira de Galicia, cos viacrucis en galego e textos de Castelao, coa misa cantada con sons xa tradicionais coma o "Onda ti noso Pai á tardiña" ou "Xesús o mariñeiro", cun sagrario feito con rochedos de Couso, áncoras, temóns, poutadas, cabos e outros elementos mariñeiros que o decoran.
Recibiu numerosos galardóns, recoñecementos e homenaxes, sendo Socio de Honra da Asociación Musical Albéniz, da Asociación A Dourixeira, da SD Xuventú Aguiño, da Cofradía de Pescadores de Carreira e Aguiño, da Asociación Ardora, da Asociación Pax in Requiem, etc, etc. Tamén foi homenaxeado cun busto no adro da igrexa, e polo Concello de Riveira poñendo o seu nome á principal rúa do pobo, así como polo Colectivo Home Novo da Coruña, a Asociación Irimia. Entre estes galardóns está tamén a Medalla de Galicia, concedida polo Goberno Galego no ano 2002.
Finou en xaneiro de 2004. Dende o ano 2005 existe unha Asociación Cultural, Recreativa e Veiñal que leva o seu nome e organiza actos de promoción e defusión da cultura e patrimonio de Aguiño, na defensa dos intereses dos veciños e veciñas, e realiza actividades na súa memoria que contribuan a seguir co labor e o traballo que el sementou como a Semana Cultural de xaneiro que vai xa pola cuarta edición.

III SEMANA CULTURAL

2008-05-15T01:39:00.001-07:00

II SEMANA CULTURAL

2008-05-15T01:33:00.000-07:00

I SEMANA CULTURAL

2008-05-15T01:30:00.000-07:00

I Semana Cultural -Aguiño xaneiro 2006-

ARTICULOS PRENSA

2008-05-14T02:28:00.000-07:00

GALERÍA FOTOGRÁFICA

2008-05-14T01:35:00.000-07:00

Nacimento 05-01-03

placa paco (aguiño 2004) - J luis e leonor

Reis magos -Rampa do muelle de aguiño (05-01-03)

clausura das xornadas aguiño xaneiro 2006

O Cura na Lonxa 16-12-02

Exposición en Riveira (con motivo do centenario) - 2006

Salón Parroquial - Inauguración 22-07-2006

2006-07-22 Salón Parroquial - Inauguración 22-07-2006

Alcalde e Cura na Lonxa de aguiño 05-01-03

Alcalde e Cura na lonxa de aguiño 05-01-03

Local Parroquial 20-04-2006

Local Parroquial 19-05-2006

Cea no Dolmen 30-06-2006

Salón Parroquial - Inauguración 22-07-2006

virxe carme aguiño

recordatorio pasamento paco 2004

recordatorio constitucion sacerdote anverso 1956

recordatorio constitucion sacerdote 1956

recordatorio 25 anos paco 1981

procesión mar carme 2003

procesión 1957

primeira cabalgata aguiño 1999

presentacion libro unai maio 1999

1ª Misa de Andrés Torres Queiruga, 1962

á súa esquerda está Don Paco

paco Venecia 6 marzo1957

paco ofertorio 1957

paco excursión nenos 1959

paco en irimia 2004

paco en bici salamanca 1955

paco en avrego 2005

paco e irmans 2000

"paco" foto carnet 1989

ofertorio 2002

neno xesus aguiño 2002

libro festas carme 2002

Libro festas 2000

igrexa aguiño construccion 1965

igrexa aguiño 1988

homenaxe xaneiro 2005 cura

homenaxe postumo maio 2004

elexia a paco de unai 2004

altar igrexa aguiño 1990

busto cura 2001

consello parroquial aguiño 2003

cruceiro igrexa aguiño 1996